第11部分(第2/4 頁)

果就補充說：「呢個人最近又俾人飛咗，日日搵人安慰佢。」阿灰搖搖頭，說：「唔系我話你丫傻妹，你真系要帶眼識人呀，都唔系第一次架啦！我都話咗個條友信唔過，你硬系要鍾個頭埋去，蝕曬底都唔知乜事呀！」智美忽然沒作聲，低頭把玩著煙枝和打火機，卻沒有點上。不是蘋果見狀就拍著智美的手臂，說：「阿灰唔好咁話佢啦，智美其實系對人太真，完全冇防範心，所以好容易信人，系咪？我就唔同，我有張睇落好真既假面！」阿灰望著不是蘋果，歪著嘴笑了笑，政向她瞥了一眼，不是蘋果就轉了話題：「其實智美頭先打得好好，咁耐冇見，我覺得你啲鼓有進步，仲有同劉寶佢地玩嗎？」智美沒精打彩地說：「冇喇，你知道佢地架啦，自從個陣時唔likey你，就連我都唔多理，後來我都冇乜搵佢地喇。」阿灰插口說：「我一早都講過，好似你咁，一做嘢就話曬事咁既樣，唔容易同人相處。」「我今日都冇啦！」不是蘋果爭辯說。「你喺我呢個老嘢面前梗系啦。不過，我唔系話你錯，你都唔繫有意。我既意思系，你主觀好強，有啲嘢唔肯就人，但繫有時又冇離正經，人地會唔知你幾時講真幾時講假。你認真既時候，人地當你玩玩下，你玩既時候，人地又以為你嚟真既，咁會好傷。」這時輪到不是蘋果沉默了。

在桌子另一邊，奧古正在向貝貝和政講述他學尺八的緣由：「系三年前喇，其實系要講番四年前，有一次好奇心驅使下去聽咗個尺八演奏會，呢種演奏會好少有，我原本都唔系太認識尺八系乜嘢，知道就知道既，但系未正式現場聽過，嗰晚咁啱去大會堂，見到有個男人企喺門口，話買多咗飛，問我要唔要，我見佢咁慘，咪幫下佢，反正都想試下，點知一試就甩唔到身，真系，冇誇大，直情繫想甩都甩唔到身，好似有的咩上咗身咁，直情繫著曬迷，演奏會一完咗，就即刻忍唔住走入後臺搵嗰個師傅，求佢教我。嗰個日本師傅其實已經好有名，唔容易隨便教人，你知啲日本人好講究呢啲嘢，佢冇即刻應承我，我都知道好難迫人。後來自己就猛咁買啲尺八既碟嚟聽，又買咗枝尺八嚟自己吹，咁梗系唔識吹啦，初頭真系連一粒聲都吹唔出架，唔系講笑。點知一年後嗰個日本師傅又再過嚟演出，我又去搵佢，仲帶埋枝尺八。佢見我咁有誠意，就應承咗我，但系佢一年唔多時間喺呢度，所以除咗自己教我，主要系叫佢喺度既日本人徒弟教我，不過，我都算系佢門下。我宜家儲緊錢，希望可以去日本跟佢。」　電子書　分享網站

技術（4）

「真系難得！你點可以有咁既毅力？你點可以只系見咗一次聽咗一次，就知道自己鍾情既嘢？你唔會覺得只不過系三分鐘熱度既咩？要持續一種熱情，其實唔易。」貝貝雖然聽不是蘋果說過奧古的故事，但還是感到不可思議。

奧古只是側著頭，說：「我都唔知點講，都冇諗過話堅持啲乜，總之，有啲嘢系唔使解釋既，老土啲講就係一見鍾情，我信有呢樣嘢。」

不是蘋果轉過頭來，插嘴說：「奧古你對尺八就一見鍾情，對女仔就百見無情，咁耐都冇見你拍拖。」

奧古尷尬地笑著說：「系囉，系囉，所以話繫有就有，系冇就冇。」

「真系可以咁樣一往無前？一直無懷疑咁做落去？」貝貝說。

「真系會咁突然？一鍾意咗就甩唔到身？自己都冇辦法控制？」政也說。

粉面來了，擾嚷了一陣，貝貝叫的雲吞麵寫錯單，來了魚蛋粉，想換，但又肚餓，又怕麻煩，就照樣吃了。不是蘋果說：「你呢個人，明明系想食雲吞麵架嘛！拿，我碟雲吞撈麵俾咗你好唔好？」貝貝卻說：「咁你夠系想食雲吞撈麵啦，做乜要俾我？」不是蘋果說：「我唔繫好緊架咋，我食乜都冇所謂。」政突然就說：「我再叫一碗雲吞麵俾你。」貝貝有點心煩地說：「唔使啦，咁小事，唔好搞啦