第11部分(第3/4 頁)

，魚蛋粉咪幾好食！」

那邊智美正在談著她打工的事，好像興致又回來似的：「宜家做promote唔系淨系講有咩優惠架喇，乜都唔使講，淨系凼個客籤個名，你話，淨系登記者，唔使俾錢，一個月免費試用，唔使講有乜著數，淨系派啲靚女，見後生男人就纏住佢，苦苦哀求咁，話公司要一晚籤滿幾多quota，如果唔夠，今晚就白做，好慘，你當系幫下我啦好唔好？咁講架，真系拉住你隻手，系咁嗲你架！好少男仔唔心軟！」阿灰吸吮著河粉，口裡含糊地說：「真系咁搞？乜宜家的手法咁毒！」不是蘋果指著智美，說：「呢，佢咪做緊呢的嘢囉！下次唔好喺街度撞到佢，如果唔系真系唔好彩！」智美撥開不是蘋果的手，說：「你估我想既咩！啲女仔個個都用呢的手段，自己唔系咁就聽食白果啦！你估好玩咩？我雖然都想識男仔，但系，都唔系咁cheap，鍾意隨便嗲的陌生人，有時遇著的衰人，都有俾人佔便宜。」阿灰放下碗筷，突然後鄭重地說：「智美，轉過份工啦，唔好做啲咁無聊既嘢！」智美沒有回答，低頭在吃麵，咬了很久麵條也沒斷，在筷子間拉拉扯扯的。智美剛食完一口，抬起頭來，阿灰又拿起筷子低頭在吃著。不是蘋果也沒說話，看著他們兩個，看見智美抿著嘴，眼溼溼的，但阿灰只是低著頭。

不是蘋果索性別過臉。在另一邊，奧古又在侃侃談著他的尺八傳奇：「我每晚至少練習三個鍾，有時隔籬鄰舍都會投訴，你知啦，有啲人覺得尺八啲聲好恐怖，好陰冷個種，我自己鍾意就唔覺。我屋企養咗只狗，每次我一吹尺八，就會一齊喺度叫，好似哀鳴咁個種叫法，嗚嗚聲咁。開頭我覺得好搞笑，後來就覺得幾討厭，你知啦，只狗咁搞破壞曬啲氣氛，但系宜家又覺得其實好特別，可以話尺八既天然之音連動物都感染到，佢繫個知音嚟架！我有諗過同只狗合奏，或者帶埋只狗去日本學師，不過唔知師傅接唔接受到。」聽奧古這樣說，貝貝和政也笑得合不攏嘴，不是蘋果就把狗和尺八的故事轉告智美和阿灰。兩人也忍不住大笑，不是蘋果就扮狗叫，尖聲地模仿狗音尺八。大家於是就笑得更加不可收拾了。「有時真系覺得，狗好過人，同人講乜乜物物，可能都會冇同感，冇溝通，反而狗有種直覺，好真誠。」奧古總結說。不是蘋果卻說：「我同你相反，我最憎狗，見一隻殺一隻，尤其是嗰的懶可愛既小小狗。」奧古露出驚恐的樣子：「咁變態！冇聽你講過既？」txt電子書分享平臺

技術（5）

吃到後來，不是蘋果拿起啤酒杯來，說：「今日玩得好開心，首歌夾得好好，好耐冇咁玩過，特別系多謝阿灰，我唔叫你師傅喇，幫咗我地好多，下次都唔知大家幾時得閒，可以再一齊玩。貝貝結他彈得唔錯，其實好有潛質，不過你既志願系寫嘢，我就祝你既第一本書早日出世。奧古就祝你可以去到日本，同埋只狗一齊去。哈，哈！智美，祝你，搵到鍾意既人，或者，鍾意既人都一樣咁鍾意你啦。我自己呢，就祝自己，唔，咩好呢？都唔知喇，是但啦。噢，仲有政，祝你，咩好呀，……」她望望政和貝貝兩人，就把杯中的啤酒乾了。政拿啤酒回敬不是蘋果：「你唔祝自己重組自己既樂隊？呢個系你既願望嘛！祝你重組Rejuv吧！」不是蘋果拿空杯和他碰了碰，說：「祝我，講真既時候講真，講假既時候講假啦！系咪咁講呀灰哥？」阿灰不明所以地笑了一下。貝貝悄悄拿可樂呷了一口，無聲的，或者，沒有人聽到。

雙腿交替的上下踢動時，手臂同時在動作與歸位之間交替的划動。當一隻手臂從你的正前方伸出時，另一隻手臂也正完成撥水動作，到達你的大腿側。當前面的那隻手臂進入水裡，準備抓水時，你就以緩慢、有節制的方式把氣吐進水裡。遊自由式的時候，臉是浸在水裡的，所以，想要在恰當的時機吸氣，就得掌控時間和動作節奏。當你完